短炒倉:天能動力 急起直追

比亞迪(01211)日前宣布中期盈利倒退九成兼發盈警,但同屬電池股嘅超威(00951),中期盈利就錄得兩成增長,股價昨日急升近13%,並帶動一眾同類股做好,其中福邦(01041)最勁,升7.8%,理士(00842)升3.8%,而天能動力(00819)亦有3.4%升幅。

講到天能,近期嘅遭遇可謂大起大落,先係月初內地大力整頓鉛蓄電池行業,旗下廠房因而停產,股價曾單日急挫13%並停牌,不過隨後市場解讀中央收緊監管,提高行業門檻,對龍頭企業有利,加上旗下廠房先後復產,股價迅速回升並創出5.1元新高,早幾日隨大市回落,昨回升收4.48元。

睇番天能市盈率,過去一向較其他幾隻同業股有溢價,但現時反被超威同理士「爬頭」,前兩者都超過十二倍,但天能就得11.4倍,應該有追落後嘅機會,上望前高位5.1元,支持位4元。

天能動力(00819)

阻力位:5.1元

支持位:4.0元

跨媒體地產網新居入伙 幾萬個精選樓盤 歡迎睇樓!

「Money18免費即秒股票報價網站」現推出8升級功能,財經資訊,實時實發!

志強