魚缸Blogger：一拖有力擺脫弱勢
內地電訊三雄爭霸續有睇頭，聯通（00762）尋日就因佳績而爆升逾12%。不過，內銀股工行（01398）同農行（01288）半年業績無甚驚喜，料短線難以擺脫上落格局，而恒指就繼續日升日跌，收報19,752點，升285點。
雖然一拖（00038）因業績放緩，導致股價近期累跌四成，但公司作為內地農業機械設備龍頭，應最受惠內地扶持三農同農業機械化嘅國策，加上公司最近收購母公司45個用於農機工業機械嘅商標，而母公司亦表明會繼續注資入一拖，所以前景唔係咁悲觀！
一拖尋日曾抽穿10日線阻力，料有力擺脫島形底走勢，阻力位可上移至7.3元，初步支持為6.4元。
一拖（00038）
阻力位：7.3元
支持位：6.4元