美聯執位黃建業專責鬥智

美聯集團(01200)尋日公布中期業績,盈利2.02億元,跌17.3%,每股中期息22.33仙。集團主席黃建業宣布辭任董事總經理,由副主席黃錦康兼埋,副主席黃靜怡亦兼埋副董事總經理。黃建業會繼續擔任美聯主席及執行董事。

黃錦康兼董事總經理

黃建業話上市公司嘅趨勢,係將董事總經理同主席職能分開,代理行業需要鬥智鬥力,自己留任負責鬥智,鬥力就畀年輕人,尤其係正處壯年嘅黃錦康,等公司管理層年輕化。

黃錦康話,自己進進出出美聯十多年,包括開創美聯金融、經絡按揭等,美聯日後發展就畀黃建業女兒、即係黃靜怡負責。黃小姐話加入美聯六年,但細細個已睇住公司成長,希望日後將公司年輕化及資訊化,爸爸辭任不是為任何人鋪路,因股東至係老闆。

地產網大革新,即睇最新樓價走勢、最全面地產新聞及筍盤情報!

「Money18免費即秒股票報價網站」現推出8升級功能,財經資訊,實時實發!

美聯黃建業(左二)宣布辭任董事總經理,由副主席黃錦康(左三)兼任。