股海實戰：同仁堂科技逆流而上

美國經濟走進第二次衰退邊緣，加上歐洲銀行流動資金可能出現問題，各國似乎束手無策，股市進入另一波沽售潮。據外電估計，本月以來全球股市市值已蒸發6兆美元，資產市場進行如此大規模的調整，影響將於未來半年逐步反映於經濟各個環節，香港縱有祖國關照，亦難以獨善其身！

上周末參加朋友聚會，席間巧遇一位精於術數的友人，大家都急忙請教，惟原來此君極不睇好下半年以至一二年香港經濟，認為要到一三年下半年始會大轉勢，眾人聽罷均大為失望。但阿莊認為，順景也好，逆景也好，地球一樣在轉，平常心看待也許會較為好過點。阿莊八月十日指出，若全球確認再次進入衰退期，緊隨嘅跌浪可能要一、兩年時間，最後防守下調至16,000點水平，呢個睇位至今未有改變，亦奉勸大家謹記「少做少錯」﹗

上周五港股跌勢全面，唔少股民就連蝕大本的倉底貨都拿出來「打靶」，情況慘烈。至於升幅榜，不外又係黃金ETF及金礦股之類，業績股則有同仁堂科技（01666），剛宣布今年上半年中期銷售收入同比增長30%，至11億元（人民幣．下同）；純利增33%至1.7億元，相比今年首季純利7,444萬元，去年全年純利1.98億元，難怪股價可以逆流而上，周五收報7.6元（港元．下同），升3.2%。

近年公司除經營銷售及製造中成藥外，還在內地多個地方建立中藥材原料生產基地，有助確保上游原料供應及質量，效益正逐步反映喺業績上。雖然內地藥品市場競爭大，但公司具有品牌優勢，加上產業政策推動行業生產標準化，行業集中度將逐步提高，挑戰與機遇並存。

靜候機會執平貨

過去公司盈利及派息大致穩定，現價計預測市盈率約15倍，息率約3厘。今年以來股價低位則為6.4至6.5元（預測市盈率降至13.5倍）。身處淡市，更好的股票走勢都要打個折扣，升緊亦無謂多手，且觀望嚟緊季末又或係傳統淡月十月，金魚缸嘅清貨大減價，有冇機會落番接近今年低位水平，則值博率會較吸引。