邱達偉嫌港酒店貴
受惠自由行政策,香港嘅酒店價值自然水漲船高,遠東酒店(00037)董事總經理邱達偉都話貴得滯,暫時唔諗住喺香港買酒店。同樣係邱氏家族旗下嘅麗悅酒店(02266)咁啱尋日公布喺倫敦買地建酒店,莫非兩家公司嘅管理層睇法一樣,都係嫌香港酒店貴?
投資回本有排等
邱達偉話,依家偏向買現成酒店多過買地返嚟興建,但係依家香港嘅酒店價錢太貴,平均回報只有4至5厘,要好耐先回到本,所以暫時唔會喺香港買酒店。
麗悅酒店就宣布,用咗2億元收購倫敦一幢物業用作發展酒店,呢幢物業距離希思路機場只係半個鐘車程,有許可證可興建242個房間。