魚缸Blogger:青島啤酒抗跌力強

身處大時代,無論係技術分析,抑或價值投資,面對股市狂升暴跌,都顯得力不從心。尋日恒指裂口低開1,281點,雖然晏晝曾絕地反擊,收窄至僅跌約300點,但外圍市況驚濤駭浪,最終仍跌1,159點,報19,330點,其中更曾跌穿去年五月低位18,972點,後市不容樂觀,策略上仍以炒即日鮮較可取。

賣地成績令人失望,地產股率先捱沽,公用同收息股嘅抗跌力亦大打折扣,普遍報跌。

海外設廠降成本

至於逆市奇葩,可留意隻青島啤酒(00168),集團係內地第二大啤酒生產商,雖然內地通脹持續高企,但集團今年初仍然成功上調部分啤酒售價,以抵銷成本上漲嘅壓力,而其今年首季純利則達3.93億元人民幣,按年上升愈40%。最令筆者感興趣嘅係,集團近年積極喺海外市場採取「地產地銷」策略,直接喺海外設廠房,令成本下降,同時亦可開拓更多收入來源。

青啤尋日觸及100日線後強力反彈,創一年高位52元,該股將喺後日公布業績,如守穩50日線45.92元,不妨啤一啤佢,先睇51.5元,穿43元止蝕。

青島啤酒(00168)

目標價:51.5元 止蝕價:43.0元

地產網大革新,即睇最新樓價走勢、最全面地產新聞及筍盤情報!

「Money18免費即秒股票報價網站」現推出8升級功能,財經資訊,實時實發!

暴炒男