市場徐想：盈喜光環 短炒復星
一講起復星（00656），自然令大家諗起佢有個外號叫「上海和黃」。不過，好聽就叫業務多元化，唔好聽就叫「周身刀，張張弱」。喺咁嘅環境之下，股價都無乜起色。管理層覺得諗唔掂數，決定變身「上海巴郡」，向復星基金公司進發。
講真，和黃（00013）作為綜合式企業嘅典範就不容置疑，可惜復星有「其神無其精要」，與其都交唔到功課，倒不如成為一個Deal Maker仲好玩。過去一年買咗24個項目，加上成功分拆國藥控股（01099）來港上市，最勁揪係主席過去由四月增持超過31次，主席即係主席，擁有別人「看不到嘅智慧」，佩服佩服！不過如果佢嘅公司搞探訪就肯定大把財星界朋友去，真真正正係「全世界出發」。各大行都全力「合奏」，對股價有一定支持。睇幾多好？我會先以9.23元為短途目標，睇吓盈喜嘅光環之下，有冇新驚喜。