太子手記：王國安筆戰李小加
港交所（00388）近日因為要推行連串「惹火」改革，搞到同中小經紀關係緊張。港交所行政總裁李小加喺上星期就親筆撰寫「萬言書」，解釋各項政策嘅因由及推出時間表。
中小經紀似乎唔多領情，以證券及期貨專業總會會長王國安為首嘅經紀業界正聯同一眾「軍師」，密謀撰寫一篇長文，力抗李小加嘅「萬言書」。
八千字長文撼萬言書
王國安同太子講，佢哋撰寫8,000字長文，將會逐一回應及反駁李小加嘅「萬言書」觀點。佢已與立法會議員詹培忠通電話，強烈要求詹議員出手幫助，應付今次「惹火」改革事件。