市場徐想:投資味千回歸基本
近期一講起拉麵,味千拉麵又成為大家嘅焦點,內地傳媒踢爆,話佢哋嘅豬骨湯原來唔係長時間熬製,而係「超濃味精」湯。消息一出,味千(00538)股價好似碗湯咁,一瀉而下。你哋都知啦,一聽到碗湯好似唔係新鮮去整,自然聯想到食物質素嘅問題。大家都知,食品質素係近年內地食品公司嘅禁忌,亦都係股民大忌,一有乜風吹草動,投資者肯定先沽為妙!
從純投資角度,一有不利好消息就肯定先走為妙(過分沽售都係咁話),不過若然佢哋嘅招牌豬骨湯,唔係有任何危害身體嘅化學元素所組成,咁樣大家一齊回歸基本。諗諗吓,原來碗湯,成本咁低,毛利率自然又可提升,加上內需當中衣食住行都係非常重要,如果佢能夠盡快解除投資者嘅疑慮,重新上路,咁就好啦!