太子手記：俊和老闆瘦身無難度
咪以為減肥係女人終身事業，其實男人都要keep㗎！本港老牌建築商俊和（00711）老闆彭一庭（Dominic）尋日講開，呢排自己終於瘦番。太子請教佢嘅減肥心得，不過Dominic話早排因為食多咗，個個星期試新餐廳，發現肥咗成十幾磅，「拿拿聲」食番正常分量先至瘦番。
冀建築及物業雙發展
講番俊和，近年佢哋入咗內地發展物業。彭一庭話，物業發展呢幾年為公司提供咗主要貢獻，佢話嚟緊會繼續發展河北省石家莊嘅項目。
話晒舊時俊和都係主打建築，彭一庭希望，今年度建築及物業發展可以各佔淨利潤嘅一半。
