市場徐想:金蝶增長值得期待
上星期,道指以科技股交到好業績帶動港股飛升,一個傾唔掂數,又為港股帶來陰雲。都係嗰句,炒股唔炒市,唔使諗咁多。
大摩早期已為金蝶國際(00268)增持咗評級,目標價睇5.3港元(相當於預期市盈率二十七倍),金蝶是內地領先嘅中小企業資源管理系統(ERP)開發商,過去積極擴大銷售團隊的成效終於喺一一年度浮現出來,估計其一○至一二年度銷售增長將加碼至26%。根據中國工業和信息化部(MIIT)數據,一一年前五個月全國嘅軟件銷售較去年同期增長咗28.2%,加速趨勢絕對明顯。
MIIT的數據更表明內陸城市推動全國的軟件銷售增長,而金蝶嘅收入主要來自中低端用戶,且大舉向內陸城市以滲透銷售網絡式出擊,因此金蝶從中受益較大,對金蝶股價飛升充滿期待。