太子手記：渣打韓工會赴英講數
渣打銀行（02888）旗下韓國第一銀行罷工已經四個星期，管理層好似搞極都搞唔掂班員工，雖然渣打周四已表態有得傾，但太子收到風，話四位工會代表將於今日（七月二十三日）飛去倫敦，同渣打集團行政總裁冼博德直接攤牌講數。
工會領袖Kim Jae-yul先生話，韓國好多銀行都係以年資定薪酬，根本就唔可能係渣打提出以薪酬同表現掛鈎，但係渣打就認為咁樣會對盈利有壞影響。
轟冼博德不懂韓文化
太子有啲擔心，聽聞工會領袖Kim喺罷工誓師大會上好激動，揸實拳頭大大聲聲話冼博德係今次罷工嘅元兇。Kim先生仲話，冼博德完全無文化敏感度，一啲都唔了解韓國嘅職場文化。