市場徐想：蒙牛成功收復失地
三聚氰胺事件大家記憶猶新，其中嘅大輸家，梗係數蒙牛（02319），○八年單嘢一爆，又話要回收產品，又要賠償，一蝕就9億幾，都咪話唔犀利，好彩○九年，中糧入股兩成，以白武士嘅姿態加上阿爺光環一出，由一間民企變成有國企色彩，將以前輸嘅追番來，好！
近期中糧擺明再大手增持蒙牛，持股28%，最令人想知嘅係出售股份來自邊位？內地傳媒話係來自始創股東。
中糧增持值得睇好
中糧增持，大行睇好，又話行業整合，又話銷售增長，不過三聚氰胺當年未發生嘅時候，都係得到各大行力撐。我覺得最好嘅方法，就係搵一間大學做產品授證，依家好多健康產品都係用緊相同策略，咁咪來得更加直接同快捷，係咪？
