短炒倉：國藝好消息沖喜
到底有QE3定無QE3，成為全球投資者最想知道答案嘅問題，從伯南克上星期嘅彈弓手表現睇嚟，佢老人家亦心大心細，但同一招已出過兩次，再出仲有冇效果？你話呢？
講番股事，調整達半年的國藝控股（08228），上星期大成交配合下連升三日，周五再升1.6%，收報1.26元。股價強勢自有原因，集團旗下「西樵山夢工場」主題公園，首個項目「黃大仙祠」，將於明日開幕，而另一項目「地藏王殿」，亦緊接下月開幕，標誌着這個籌備多時的大project，正式踏入收成階段，好消息陸續有來，難怪股價亦要提前炒上慶祝。
夢工場步入收成期
整個夢工場項目投資額達8億元人民幣，集片場、主題公園、酒店及表演場地於一身，預計會於二○一三年全部落成，而集團早前已與博天訂立總值1,500萬元的門票包銷協議，亦與6家本地旅行社訂立為期五年的合作協議，可望帶來穩定的人流及門票收益，盈利前景樂觀。
圖表上，國藝股價已成功升破幾條主要平均線，10日線亦已升穿20日線，配合利好消息，短線有望更進一步，目標上望1.5元，止蝕1.1元。
