魚缸Blogger：聯邦制藥料已見底

美債上限的上調限期將至，加上評級機構重重壓力，拂袖而去嘅奧巴馬最終亦要返回談判桌上，而喺大西洋嘅彼岸，歐債危機陰霾仍然未散，極易受外圍因素影響嘅港股，今個禮拜嘅表現相信仍會相當波動。

上周五港股繼續維持悶局，恒指全日跌64點，收報21,875點，表現較好嘅有中資航空股同醫藥股，惟政策因素影響下，早前走勢強橫嘅內房股紛紛腳軟。另外，雖然一眾醫藥股股價近月出現明顯調整，但隨着生物醫藥「十二五」規劃快將出台，相信對製藥股份有利。

主要生產原料藥同中間產品嘅聯邦制藥（03933），受限價影響嘅藥品僅佔銷售嘅3至5%，加上集團積極研發新藥品，以抵銷限價影響，而旗下位於蒙古嘅廠房亦開始提供貢獻盈利，相信今年不難保持過去嘅高增長勢頭。

估值降至吸引水平

聯邦制藥近日連開四支大陰燭，至8.21元才找到支持，但估值已降至吸引水平，加上該股上周尾段喺成交配合下回升，不妨待股價回試8.7元附近跟進，上望9.6元，跌穿8.2元止蝕。

聯邦制藥（03933）

目標價：9.6元 止蝕價：8.2元