抗脹生財5大法則

政府統計處資料顯示，五月份通脹率突破5.2%，創三十三個月以來新高。在這百物騰貴的年代，年輕人勢必要有更好的理財及投資策劃，才能應付與日俱增的通脹壓力！今期《百萬大道》請來香港財務策劃師學會行政總裁溫婉容（Eleanor），為年輕人分析理財投資的「DOs and DON'Ts」！

DOs

「投資是一種Art（藝術），不是Science（科學），沒有特定Formula（方程式）可以保證一定成功。」Eleanor強調，各人的財政狀況及投資態度亦有異，所以個人的財務策劃必須度身訂造，絕不可一概而論。然而，成功的理財投資態度卻萬變不離其宗，若年輕人投資獲利，仍然有一些法則需要特別注意。

1. 按人生階段訂策略

每個人所面對的經濟壓力會隨着成長而改變，因此Eleanor建議年輕人要因應不同的人生階段制訂目標。Eleanor指，年輕人從大學畢業後到三十歲期間，仍處於摸索階段，正努力尋找屬於自己的社會崗位。「呢個時候，They have nothing to lose（佢哋冇乜會失去），所以可以選擇較進取的投資策略，因為輸咗仲有時間追番。」相反，踏入三十歲後，各類壓力會接踵而來，例如結婚、供樓及養妻活兒等，故那時的理財策劃不可只顧進取，要作較平衡的投資。

2. 放遠目標專注「錢」途

Eleanor表示，上一輩的人相信「一分耕耘、一分收穫」，放長線才可釣大魚。因此，他們會選擇耐心付出，靜待收成之日。但現時的年輕人則過於急進，未有盡全力便問收穫，不論是自己的前途或「錢」途都缺乏持久性。她認為，年輕人不應過於實際，將霎時的得失成敗看得太重，相反要把目光放遠，專心一致在目前的投資或工作上，願意投放時間才會成功。

3. 善用科技學習投資

Eleanor認為年輕人應多讀書增值自己，因為知識是每個人獨有的財富。她坦言，有別於現時資訊發達的社會，以前自己要搜集金融資訊，一定要到各大書店慢慢搜刮。相反，年輕人現可以足不出戶，輕輕鬆鬆便可在網上獲取各類的資料。因此，年輕一代應善用科技增值自己，多吸取各類投資知識。

DON'Ts

4. 投資切勿假手於人

凡事都要累積經驗，投資理財亦然。Eleanor指：「只要輸嘅錢係自己能力範圍之內，年輕人唔怕輸。因為對佢哋嚟講，最緊要係攞經驗，經驗比任何得失都更加重要！」她指，年輕人學習理財投資應親力親為，自己的錢應由自己負責投資，假手於父母便失去意義。她坦言，自己初初接觸金融業時，也是由買賣股票開始累積經驗。「嘗試親身買股票，已經可了解到買賣股票嘅程序，錢怎樣從戶口過戶；當投資顧問幫你做投資組合建議時，當佢問你問題，你又可以諗下點解佢會問呢啲問題；以上都係學習嘅一種，自己親身經歷過會好啲。」

5. 忌亂透支不自量力

「如果你有真正嘅付出，錢一定會係你嘅囊中物，根本無需要擔心！相反，如果你冇任何付出就想賺到錢，呢啲情況係永遠都唔會出現！」Eleanor直言，有部分年輕人因沒有足夠的資金投資，便會向銀行借貸或以信用卡透支作賭注，但是此等做法是絕對不正確的。她指出，年輕人應該因應自己的負擔能力去選擇適合自己的投資產品，記緊量力而為，才能夠穩步上揚。

大學生理財分享

錢分四份免失控

Keffzy：「初初用信用卡嗰陣，成日簽簽吓唔多覺，用凸咗都唔知，所以依家每一次簽都會好小心記低。以前我冇咩理財計劃，每個月扣除開支後，一係儲起佢，一係用嚟投資，依家我就將我嘅錢分開四份，分別用作儲蓄及流動資金，而剩番嗰啲就做短線同長線嘅投資，咁樣有保障好多！」

掌握市況始買股

Jason：「上年年底我想做吓長線投資，跟住父母提議我買滙控（00005），我冇做過research就買咗，當時個價位係大約80蚊。之後佢一直跌，我都幾驚，好彩我諗住長揸收息，影響應該唔大，但下次我一定做足資料搜集先再買！」

試炒外匯賺經驗

Stephen：「我一路都淨係有做儲蓄，冇做任何類型嘅投資，但係見通脹升得咁勁，於是我就開始玩吓外匯。我聽人講澳元會升得勁啲，加上自己做咗資料搜集後都覺得OKAY，於是就入咗澳元試吓。我諗住自己係第一次玩，唔敢入咁多，點知佢之後就真係跌咗，輸咗都唔覺得肉痛吖嘛，旨在攞吓經驗。」