太子手記：博士蛙添加東瀛味
兒童消費品開發商和零售商博士蛙（01698），同日本綜合玩具廠商多美合作，將會擦出乜嘢火花？
與多美簽合作協議
兩家公司都參加咗依家喺上海世博園內嘅中國館，正進行動漫遊戲博覽會，第一個火花，就係即場簽約，合作將風靡日本嘅「Kiddy Land」引入中國。
博士蛙主席鍾政用話，繼哈利波特、網球王子、巴布工程師等一線國際兒童動漫知名品牌之後，博士蛙同多美嘅合作，一定可以獲得更多人氣。
博士蛙已經有Babyland兒童專區，整埋咁紅嘅Kiddy Land，依家嘅細路仔就真係好開心。
雙方仲會研發和生產適合中國兒童嘅產品。鍾政用好重視內地本土動漫產業發展，參加動漫展嘅目的，就係通過展覽，結識接觸到內地眾多站在尖端嘅優秀動漫、玩具廠商。
博士蛙主席鍾政用（右二）與多美董事佐藤慶太就合作簽約後握手。