魚缸Blogger：安踏 有條件翻炒
恒指連衝兩日後，尋日反覆牛皮，全日僅跌22點，成交落番去611億元，似乎好淡雙方都(目及)實美國本周公布嘅非製造業同就業數據，值得留意嘅係恒指尋日一度跌穿牛熊分界線，雖然最後收市都能夠企番上去，但50日線同23,000點大關阻力重重，是但一邊突破嘅話隨時可以變成單邊市。
內需概念除咗受惠祖國人均收入上升外，近日內地修訂個人所得稅法所釋放出來嘅購買力亦唔講得笑，當中體育用品行業的發展，更會受早前公布嘅體育產業「十二五」規劃，故整個板塊絕對有翻炒嘅條件。
分銷網絡布局完整
安踏體育（02020）為內地體育用品股龍頭之一，以二、三線城市為發展重點，今年第四季訂貨會定單錄得25%增長，而今年首季的產品售價同銷售均有近一成升幅，加上主要對手匹克（01968）剛公布一二年第一季訂貨額有兩成增長，珠玉在前，相信分銷網絡更為強大同埋喺二、三線城市布局更為完整嘅安踏，明年首季訂貨成績值得期待，不妨於14至14.3元吼位跟進，上望15.3元，穿14元止蝕。
