買樓創富中學生都識
大家知唔知時下中學生會用乜創富工具？花旗做咗個理財調查，從超過1萬份中學生問卷中統計出，「物業」已經成為最受歡迎嘅創富工具，其次係股票同外幣。
33%學生首要抗脹
調查仲發現，過去五年學生對股票嘅歡迎程度下滑，而物業及外幣投資就愈來愈受重視。
咁班中學生有啲乜理財目標呢？有逾33%受訪者話首要係對抗通脹，約五成就話長遠嘅財富累積同籌劃未來最重要，目標咁明確，難怪花旗集團香港區行長章晟曼都讚，年紀輕輕嘅學生已深明理財對保障未來嘅重要性，實在令人鼓舞。
太子覺得，仲有樣調查結果會令章晟曼感到鼓舞，就係有超過六成受訪者，目前有使用銀行戶口嚟儲蓄。呢班未來社會棟樑細細個已用「紅簿仔」儲蓄，相信銀行未來會有大把商機。