英國《銀行家》雜誌公布咗全球銀行排行榜，美銀以1,640億美元嘅一級資本，再度蟬聯第一名。而上年易帥嘅滙控（00005），唔知係咪范歐配嘅領導有方呢，由舊年第五位，一跳就跳到第三位。
內地銀行都唔輸蝕，舊年唯一一間內銀喺十大排名嘅建行（00939），跳一級排第六。工行（01398）同埋中行（03988）加入十大。
講到最巴閉嘅，就要數工行董事長姜建清啦，喺舊年賺咗325億美元，大幅拋離其他行，繼續做最賺錢銀行「阿一」，建行繼續居次。
滙控躍升全球銀行排行榜第三位。
