滙豐慈善基金賀壽水頭充足
尋日滙豐總行大堂度有不少人載歌載舞，場面「墟冚」，原來係滙豐銀行慈善基金三十周年生日。
滙豐額外撥捐三千萬
咁多年嚟滙豐個慈善基金嘅慈善捐款已經超過10億元，滙豐香港區總裁馬凱博喺致辭時話，為咗慶祝個基金三十歲生日，特別準備咗樣「生日禮物」─滙豐額外撥捐3,000萬元畀基金。尋日中環落大雨，馬凱博話水喺中國文化之中代表財富，係好意頭喎。
唔少受過基金捐助嘅機構，都準備咗好多精彩環節喺活動度表演，包括絲帶舞、擊鼓等，最令太子印象深刻嘅，有班年輕人仲用Rap形式介紹個基金往績。
