市場徐想：維他奶潛力待發揮
相識在童年，除咗民歌王子區瑞強之外，梗係仲有七十年歷史嘅維他奶（00345）。維他奶，一向賣嘅係溫情，暖意，不過除此之外，維他奶最令投資者懷念嘅，就梗係派足七年嘅特別股息。誰不知今年「禮物沒有了，股價跌半成」。
講真，派咗咁多年，收開股息好Easy，一旦冇咗唔Happy，正常不過。不過，作為維他奶嘅粉絲，唔派股息，最重要係知道個原因，根據公司解釋，原來係要投資生產設施，以便日後增加市佔率同發展阿爺市場。
維他奶「一支奶品走天涯」，行咗七十年，當中有其他產品出過，不過唔係好掂（情形同益力多一樣），要維持地位，不外乎產品搞搞新意思或者進入另一個市場，似乎維他奶管理層向後者進發，以維他奶個牌頭，加上大家對食品質素嘅要求，其實真係有無限嘅空間。