太子手記:李君豪讚港交所好股

尋日係港交所(00388)上市十一周年好日子,雖然前日就慘遭大摩「贈興」唱淡,好彩個價冇畀人質低,尋日總算好爭氣重上161蚊水平。太子尋日响港交所酒會就撞到港交所獨立非執董李君豪(Vincent),立即問吓佢點睇港交所。

08年沽股賺唔少

Vincent投資出名有眼光,二○○五至二○○八年見佢頻密申報買賣港交所,二○○八年悉數沽清,好多都係200幾蚊沽出,太子同佢計一計肯定賺唔少。自此佢就無再掂港交所股票嘞。

近日港交所畀人掟貨,大摩仲下調目標價到120元,Vincent唔肯講依家係咪抵買。佢會唔會入番啲?因為係獨立非執董身份,唔可以隨便評論,買賣都要申報o架。

Vincent強調,港交所肯定係好公司、好股票。Vincent果然係個稱職好董事。

跨媒體地產網新居入伙 幾萬個精選樓盤 歡迎睇樓!

「Money18免費即秒股票報價網站」現推出8升級功能,財經資訊,實時實發!

李君豪喺○八年前曾悉數沽清港交所股票。(資料圖片)