金牌AE：中國木業築底完成
中國木業（00269）上月初宣布擱置同李嘉誠基金會等在內嘅四大投資者所訂立嘅認購協議後，股價隨即急挫至0.255元，其後市場有大量資金入市，數日內股價又急升至0.41元，之後隨大市回落調整。上周五曾跌至0.3元後見底回升，高收0.35元，走勢上，已明顯完成築底，再展升浪。短期若能突破0.41元阻力，可向上挑戰前高位0.54元。
融資協議並未取消
中木股價大波動，主因為市場誤以為認購協議終止，但公司其後發出通告，指公司只係希望重新考慮多個更有利於公司嘅新融資渠道，認購協議並非取消。
中木協議所收購嘅高速公路，為一條專為運載煤炭而設嘅公路，由內蒙古通往華北煤炭物流中心興和縣，每公里每噸路費收0.15元（人民幣．下同），預期每年收益可逾40億元。
事實上，中木最近已發出兩通告，先後兩次共斥資23.18億元收購目標公司51%股權，並將再增持至66%，料中木再度向市場集資，事在必行，新融資方案一旦落實，相信又會掀起搶購潮。
