期指攻略：調整未完睇位追沽

昨日大市表現頗令筆者失望，期指午後跌幅收窄，但去到22,904點經已行人止步，或者看官們認為，收市價22,845點擺脫了即市低位，大市未致太差，但如果上周五有參與即市炒賣，期指由當日三時左右的23,050點起步，一度插到22,863點收市，主要受兩個因素影響：一是當日午市傳周末人行極可能加息。二是恒指新貴友邦（01299）當日成交達2.36億元，反之在指數比重微降的幾隻內房股，拖累指數跌勢加劇。

人行最終無趁端午長假期加息，第一個不明朗因素唔見咗，至於指數變動，除友邦昨日成交仲係唔細外，指數基金組合應已完成得九九十十，偏偏期指就連上周五下午市的跌浪起步位23,050點，都有望門興嘆之感，而昨日午後歐洲開市，三大指數全部有回升迹象，更凸顯港股勢頭之弱。

短期大市至少需要重返23,113點樓上，市況方算稍為穩定，問題是上方阻力重重，而且QE2尚有三星期玩完，VIX指數見底回升，都反映市場風險上升，似乎待未來兩星期反彈出現，確認好友反攻力度不足之後再去追沽，勝算較高。