渣打有諗頭開Concert勞軍
渣打開演唱會?大家冇聽錯,佢哋喺九龍灣國際展貿中心搞咗個演唱會,請咗3,000名負責無抵押貸款嘅前線員工去睇,太子八到,渣打喺上半年好積極做信用卡推廣,所以就搞個演唱會畀一班同事開心吓。
渣打公關姐姐話今次係第一次搞,以答謝員工嘅努力,並鼓勵佢哋再做得好啲。
渣打今次邀請咗李克勤、謝安琪、張敬軒、關楚耀及MR獻唱,嘩!咁星光熠熠,真係羨慕人。
高層與員工打成一片
聽聞今次渣打香港個人銀行業務銷售總監周兆麟(Daniel)及個人銀行業務無抵押貸款業務主管龍沛智(Simon)都有去睇,與一眾同事打成一片,睇番佢哋啲相,現場氣氛真係唔錯。
周兆麟(左一)及龍沛智(左三)同員工一樣,睇得好投入。