太子手記:鄭大班Last Day難捨滙豐

昨日是名副其實嘅「鄭大班的最後一夜」!服務滙豐三十三載嘅滙控(00005)執行董事鄭海泉(Vincent)尋日Last Day,要離開真係有啲難捨之情。Vincent尋日引用經典名曲Hotel California其中一句歌詞以表心迹:「You can check out anytime, but you can never leave.」即係話雖然你可以隨時退房,但你卻永遠離不開,莫非Vincent想話佢人雖然離開滙豐,但個心永遠喺度?

范智廉越洋致謝

Vincent雖然話退休啫,但會繼續做滙豐銀行嘅亞洲事務顧問,繼續發揮佢對亞洲,特別係內地嘅專業意見。尋日滙控喺倫敦舉行股東會,雖然Vincent無出席,但主席范智廉喺會上越洋多謝佢對滙控作出多年貢獻。

跨媒體地產網新居入伙 幾萬個精選樓盤 歡迎睇樓!

「Money18免費即秒股票報價網站」現推出8升級功能,財經資訊,實時實發!

鄭海泉退休後會繼續做滙豐銀行亞洲事務顧問。