市場徐想：中移低處未算低
講開大價股，中移（00941）係唔少資深股民心目中嘅儲蓄股，可惜，如果大家有望一望，中移嘅股價已經跌到兩年低位，可以講係「低處未算低」，認真唔講得笑。睇番一一年，中移已經改咗名叫「中下移」，跑輸恒指都算，跑輸聯通（00762）先至大鑊。為咗力保一哥地位，自然要諗計，決定來一招全國統一減價，將佢嘅套餐收費下調，消息一出就仲大鑊，減價唔一定可以帶動收入，經濟學嘅「彈性需求」都搞錯，點會有運行，睇嚟今年ARPU又會繼續跌。
三網融合，加上流動商貿為大方向，對後來者電訊商相對有利。依家小股民唔「合皮」，王董又冇嘢做到，回購股份又無晒影。近期中移又話搞流動電視，乜嘢巴基斯坦移動業務，真係估佢唔到，但冇一個好策略，點同投資者交代呢？