周文耀轟香港齋噏創新
企業家經常將「創新」掛口邊，但係點樣「創新」呢？港交所（00388）前行政總裁周文耀就話，只要有競爭，企業家就會識得創新；而「創新」亦唔係齋坐喺度發白日夢，如何將「創新」意念付諸實行，先至係真正嘅「創新」。
曾任職本港交易所決策層嘅周文耀，依家係數碼港董事會主席，當然明瞭箇中嘅分別啦，所以佢出席「安永2011年安永企業家獎」開幕典禮時，就強調「創新」有時間值嘅，光想「新」係唔夠嘅，點樣「創」才是重點。
「港人短視 見好先跟」
香港貴為國際金融中心，又話係活力之都，咁達唔達到周生所講嘅標準呢？周文耀認為香港一啲都唔創新，因為港人很多太短視；即使宣稱為國際金融中心，但很多金融市場基建或系統，都係因為見到海外地區已行之有效，然後至引入。咁咪同copycat冇分別？