期指攻略：考驗支持位伺機做好
即使無留意港股走勢，單是見到前日大跌488點，昨日只得19點反彈，多少感受到港股之弱勢，恒指昨日成交得524億元，可見好淡雙方齊齊靠邊站。
期指轉倉關係，成交未至於縮水得太過分，五月合約成交6.7萬張，不計早市測試好友底線，淡友在現貨開市一刻將期指推到22,629點，全日大部分時間集中在22,660至22,740之間進行。
幾隻中資銀行股下月除息，形成六月合約大低水的假象，以收市價22,551點，實際比除息後理論價22,563點，只係低水12點，近期大戶做淡的一方相對積極，但斷唔會無理智到以179點低水轉倉，看官們不要被六月合約的假低水影響對後市睇法。
市場焦點係估大市要見22,400至22,500點殺盡牛證，客觀看，市面尚餘的牛證街貨量十分低，筆者並唔認同大戶有需要咁做！其實現貨由24,468跌至第一個重要支持22,985點反彈再破位之後，跌幅的1.236在22,635點，與昨日低位22,631點十分接近，假如未來兩日證明現貨在22,635點形成支持，筆者會開始四分一注試買。
