金牌AE：中信銀行穩健之選

港股連升三日，上周五恒指再升36點，收報23,199點，但下跌股份有793隻，上升股則只有374隻，可見個別股份仍有大沽壓，大市好唔明朗，投資取向，以保守為上策，內銀股首季業績超預期，值得優先吸納。

中信銀行（00998）首季業績增長為8隻內銀股之冠，估值亦較同業為低，為穩健投資對象，可吼位買貨，中線持有，目標7元。

中信行去年盈利215億元（人民幣．下同）上升50.2%，每股獲利0.55元（約0.652港元A，現價5.42港元，往績市盈率8.3倍，較其他7行嘅平均市盈率11.7倍低得多，截至去年底止，中信行市帳率僅1.48倍，亦較其他7行嘅平均市帳率2.17倍為低。

首季盈利增長強勁

今年首季中信行盈利再增51%至65.05億元，預期餘下三季業績保持首季嘅增長，全年每股盈利可達0.8港元，預期市盈率不足七倍，相當吸引。摩根大通最新研究報告指中信行首季盈利超理想，淨息差按年升34個百分點至2.89%，預期可維持上升勢頭，給予目標價8元，並列入建議確信買入名單。

中信銀行（00998）

目標價：7元 止蝕價：5元