市場徐想：鉦皓貨源歸邊易炒上
電源及數據線產銷商鉦皓控股（08132）以配售方式招股，按每股0.3元配售1.65億股，周三於創業板掛牌。
鉦皓截至去年底止九個月，純利1,637萬元。集團估計今年純利起碼有1,800萬元，每股盈利唔少過3.27仙，如果用配售價計算，預測PE大約九倍多啲。
全球智能手機市場增長強勁，大大刺激智能手機周邊配件，例如電源及數據線嘅需求。鉦皓在行內有20多年經驗，又擁有固定客源，料收入可保持穩定增長。
公司以全配股方式招股，散戶只能等到正式掛牌後先可以在市場吸納，貨源歸邊有可能令股價容易被炒高。當然，炒呢類新股主要貪佢波幅夠大，短線翻一番唔係冇可能。但記住風高就浪急，唔理賺定蝕，到位一定要走。