期指攻略：雙底形態已被破壞

過去幾個交易日的港股，真係反覆到得人驚，昨期指開低348點，報22,935點，早段好友曾反攻，現貨開市幾分鐘後，期指見全日高位23,066點，好友似乎怯於歐債危機升級，承接力不足，之後大市拾級而下，午後22,850點的支持連番受到考驗，直到現貨收市後，大量冚倉盤湧現，22,850點失守，期指直奔全日低位22,772點，收22,776點，較恒指足足低水184點，減去除息因素也低水97點之多，現貨成交唔算多，僅超越600億元，期指全日加權平均成交價22,936點。

期指全日成交67,710張，但收市前的一刻跳價落，居然22,860點以下有超過3,000張成交，係套戥盤要趕及收市建倉？抑或好友的止蝕活動？筆者不得而知，但由上周五和周一收市前的離譜波動看來，若無打算持倉過市，建議還是不要賭最後十五分鐘為妙。

上周五營造的雙底反彈已被昨日的跌市破壞，要大市轉勢，現貨重返23,335點及23,509點樓上是最低要求，恒指波幅指數昨日急升至18.77，是三月底以來最高，顯示市場風險溢價上升，基於追沽已失先機，筆者選擇保守地等市況有短期見底訊號後再博反彈。