宣萱子丹南區掃工廈
黃竹坑一帶將發展成新旅遊區，加上南港島線工程已拍板，原來唔少演藝紅人都睇好區內後市，「靜雞雞」入市，不過，唔係買住宅，係工廈。
有「宇宙最強」之稱嘅國際武打巨星甄子丹，早前斥資1,620萬元買咗區內新興工業大廈一個中層戶，另外，公仔箱花旦宣萱，就小試牛刀，攞咗200萬元購入甄沾記大廈一個迷你細單位。
藝人愛買磚頭保值
唔少藝人都有買「磚頭」保值嘅習慣，唔知係唔係政府之前出招加重住宅炒樓成本，唔少錢都轉投工商舖市場。咁多區之中，黃竹坑無論係整體環境、對外交通都有優勢。究竟佢哋長揸定短炒，就拭目以待。