市場徐想：米蘭站愈細愈好炒
土產二手名牌手袋買賣高手米蘭站（01150）正式招股，將發行1.62億股，新股佔1億股，集資1.9億至2.7億元。如果以上限定價，公司市值10.8億元。
米蘭站喺中港兩地經營13家零售店，當中近九成來自香港，去年的整體毛利率接近24%，按地區劃分，中國及澳門業務毛利率較高，分別達32%及34%，香港毛利率只得兩成三。
米蘭站喺香港可以講係獨市生意，加上內地「安答」購物力強勁，對公司的盈利前景有幫助。有人問內地「安答」人人有水，何來要買二手呢？要知道高檔產品嘅銷售金律─寧買二手不買A貨。因為二手貨始終係真貨，基本上擁有嘅虛榮感就肯定好過用A貨。
近期的新股都有「愈細愈好炒」的情況，早前唐宮（01181）暫為今年「新股王」。繼續追蹤。