短炒倉：亞洲能源物流 未見頂

港股尋日進一步向淡，恒指再度下試23,000點關，成交就繼續唔到700億元，呢種市況，自然又係細價股搵食嘅時候。志強三月頭推介過嘅亞洲能源物流（00351），昨日逆市做好，一度創0.195元的五十二周新高，收市升3.8%，報0.191元，計一計，較推介時約0.13元水平，升幅接近五成。

遵小鐵路年內竣工

集團的重頭項目遵小鐵路，預算將於今年底前竣工，該鐵路連接河北省兩大城市唐山及承德，主要用來運輸天然資源包括煤炭和鐵礦石等，由於其路線途經重要鐵礦區，管理層預計每年可提供運輸費用收入達1.2億至3.6億元人民幣。另外，集團去年購入兩艘靈便型貨船，拓展煤炭乾散貨運輸業務，今年開始亦可提供盈利貢獻。

雖然集團上月公布截至去年底止年度業績繼續見紅，錄得股東應佔虧損1.02億元，每股虧損0.81仙。不過，細價股最重要嘅係睇前景，其股價在業績後升勢絲毫不受影響，已說明一切。隨住公司業務漸上軌道，股價有條件進一步炒上，只要定好止蝕跟進無妨，任由股價放紙鳶，目標0.25元，止蝕0.18元。

亞洲能源物流（00351）

目標價：0.25元 止蝕價：0.18元