TPG亞洲老頂要識普通話
俗語有云，靠人不如靠己。喺內地營商，識中文就着數啲。據聞，掌管480億美元嘅私募股權公司TPG Capital，呢排喺市場度物色緊亞洲區主席人選，但先決條件係佢要識講普通話先至有得傾喎。
太子即刻打畀老友─TPG大中華區聯席主席王兟問下咩情況，點知佢話自己成日飛嚟飛去，剛啱先落機返到香港，完全唔知公司搵緊亞洲區主席呢個位。
幫公司北上投資
據聞TPG請亞洲區主席，主要幫公司喺內地搵投資項目，唔識講普通話都幾難做好呢份工，如果你係金融才俊，又識普通話嘅，依家機會到啦，佢哋雖然in咗幾個人，但未敲定人選，千祈咪執輸呀！