太子手記：港交所大Project猛人監工
港交所（00388）未來有幾個超大型Project，好似場外結算、設備託管服務、提升資訊技術系統，興建新一代數據中心等，「難度分」起碼有80分！港交所尋日公布新增設集團行政管理總監職位，主要職責係做好各個大型項目嘅協調工作，監督項目嘅實施，直接向行政總裁李小加匯報。
金融老將馬俊傑加盟
呢個咁重要任務，搵到曾經喺Chi-X Japan嘅代表董事馬俊傑（Joseph Meyer）出任，佢以前主要工作係推出買賣日本上市股票嘅另類交易系統，預計佢於六月底履新。
李小加話港交所嘅《戰略規劃2010-12》好快已到中期階段，面前好幾個重要項目需要公司上下通力協作。馬俊傑喺金融服務業有三十年經驗，相信一定能勝任。
港交所聘馬俊傑任行政管理總監，直接向行政總裁李小加匯報。
馬俊傑