太子手記：獲新地資助內地生水準高

依家我哋提起內地人，或者會即時聯想到喺香港掃名牌貨、大手買新盤嘅富豪或闊太，但其實香港都有唔少內地嘅莘莘學子，寒窗苦讀，取得不俗嘅成績，使中港學術可以互相交流。

來港接受法律培訓

為推動內地教育長遠發展，新鴻基地產（00016）郭氏基金經已連續第二年同香港大學合作，頒發「新鴻基地產郭氏基金香港大學法律獎學金」（法律獎學金），資助內地學生喺香港接受法律碩士培訓，學習普通法、公司法與金融法等範疇。

獲獎嘅內地生尋日喺新地郭氏基金執行董事郭婉儀手上，接過獎學金證書，為咗隆重其事，除咗郭氏基金同港大嘅高層在場見證之外，大會仲請嚟中聯辦法律部副部長劉春華觀禮。

呢14位得獎嘅內地生水準極高，大部分來自內地最有名氣嘅政法及外交大學，當中三位同學分別在內地、美國和英國繼續深造，有四位獲香港律師行聘請，一位在深圳嘅大型企業從事法律顧問工作，希望佢哋日後唔單止貢獻國家，亦都貢獻香港啦。