市場徐想:債王染指ETF有睇頭

有「債王」之稱的全球最大債券基金PIMCO創辦人格羅斯,上星期向美國證監會申請推出主動型交易所買賣基金(ETF),並由債王親自管理。呢次肯定會將ETF生態市場完全改變,因為債王每日都要公布ETF入面持倉數量和資產價格。

試諗吓,投資者只需付出相對較低的入場費,就可以投資呢隻ETF,仲有債王為你親自操盤,幾正啊。今次呢一着,明顯同管理費用昂貴的互惠基金搶客。因為ETF根本不存在中介人角色,費用自然較低。ETF的投資目標是要整體地反映相關指數成分股的表現,佢所追蹤的指數已列明喺公開說明書上,透明度較高。

另外,交易所買賣基金設有市場莊家機制,可以透過調整供求以控制價格,減少套戥機會的出現外,亦可以加強交易所買賣基金的流通性。

跨媒體地產網新居入伙 幾萬個精選樓盤 歡迎睇樓!

「Money18免費即秒股票報價網站」現推出8升級功能,財經資訊,實時實發!

港大電子金融服務榮譽助理教授 徐燦傑