太子手記：奧巴馬家庭收入縮七成

美國經濟表面睇係好咗，但失業率仲好高，經濟復甦之說真係見仁見智。美國白宮有項數字幾有趣，總統奧巴馬兩公婆舊年嘅收入大幅縮水咗接近七成，亦都係佢哋兩公婆自○六年以來賺得最少嘅一年，主要原因係佢哋嘅圖書銷售減少，係咪因為經濟唔好，少咗人買書呢？

圖書版稅少進帳

奧巴馬一家喺○九年收入係550萬（美元．下同）同埋交咗180萬元稅款，但係舊年佢哋收入和納稅額分別只有170萬元及45萬元。當中總統人工就有40萬元，其他收入都係來自佢啲圖書版稅，好似奧巴馬九五年寫嘅自傳《Dreams from My Father》、舊年出版嘅兒童書《of Thee I Sing : A Letter to My Daughters》，但係舊年整體銷售收入下降咗好多，所以收入大減咗七成。

銷售少咗可能同經濟有關，亦可能係因為佢嘅政績麻麻，國民對佢嘅支持率下降有關，無論係邊樣原因都好，奧巴馬都要度橋搞番好喇！