短炒倉：維奧短線調整完成

大亞灣核電廠經營者中國廣東核電集團旗下的中廣核鈾業發展，早前以每股0.23元作價入股維奧集團（01164），總金額涉及9.8億元，交易完成後，將佔維奧擴大後股本約73.4%，成為控股股東。

作為內地第二大核電集團，中廣核目前已經運營的核電項目有3個，在建核電機組16台，而中廣核鈾業就從事鈾資源開發，向大亞灣等核電廠供應核燃料，而今次入股維奧，自然令市場產生「借殼」嘅憧憬。

核電發展步伐未變

其實呢單交易都可算係揀唔啱時辰，偏偏撞正日本福島核電廠「冧檔」，溫總下令重新檢討核電政策，不過復牌後維奧股價仍然大幅上升，未受太大影響，多多少少反映市場對內地核電發展步伐不會有太大改變的睇法，始終內地要搞低碳經濟，核電無論如何都係唔少得，因此檢討過後，「意見接受，計劃照舊」的機會極大。

維奧復牌後最高升至1.11元，之後回落，尋日低見0.77元後抽上0.82元報收，全日升幅達5%，估計調整經已完成，短線博佢上番1元樓上，跌穿尋日低位便應先行止蝕。

維奧集團（01164）

目標價：1.05元 止蝕價：0.77元