龍永圖細說博鰲辛酸史
博鰲亞洲論壇唔經唔覺搞咗十年，最有資格講呢個論壇歷史嘅係龍永圖，佢喺舊年至卸任秘書長呢個位，佢講以前邊有咁巴閉，初期論壇會址簡陋，廁所又唔夠，唔理官階有幾高，都要一齊排隊等茅廁。
龍永圖話，博鰲亞洲論壇起步時好困難，開會地方好簡陋，係一個臨時搭建嘅木結構。
高官去廁所要排隊
初期佢都未做秘書長，只係其中一個演講嘉賓，有一個印象非常深刻，就係上廁所都要花很長時間，木結構嘅廁所非常少，唔理你係邊度嘅長官，都係要齊齊排隊。
後來中遠集團承擔了重任，起咗依家論壇所在嘅國際會議中心。龍永圖、菲律賓前總統拉莫斯、中遠集團總裁魏家福係博鰲嘅元老級人物，但三位都喺舊年卸任。有人說對於博鰲來說，這是一個時代嘅終結。