趙世曾乖女極速升職

早前有調查發現中國女性做CEO比例已名列全球第二，喺香港呢個國際都會，都有好多女CEO，「傳子唔傳女」嘅思想亦已經過時。趙世曾旗下卓能（00131）尋日就發通告話，委任長女趙式芝（Gigi）成為公司執董，尋日生效，真係「巾幗不讓鬚眉」。

三十二歲嘅Gigi，今年二月先至加入卓能做高級項目經理，主力負責監管集團所有建設項目，喺短短兩個月，就已經獲任為執董，Gigi真係好叻女喎。

建築出身啱晒睇項目

Gigi嘅履歷，同老竇嘅興趣幾似，九九年喺英格蘭曼徹斯特大學曼徹斯特建築學院畢業，仲持有建築學榮譽學士學位，之後佢同英國知名建築師及城市設計師Terry Farrell爵士做咗兩年工作，所以佢負責睇番項目建設最合適不過喇！

Gigi其實唔單只喺建築方面掂，佢仲曾經管理奢侈品喺香港及中國嘅市場推廣及零售服務投資長達十年。Gigi作為高級項目經理，每月薪金五萬元，而董事袍金就每年二萬元。