思佰益CEO飽讀聖賢書
首家喺本港上市嘅日本企業思佰益（SBI）尋日搞投資者推介會。太子聽聞佢哋嘅行政總裁北尾吉孝來頭好勁，五歲開始學習《論語》。
今年六十歲嘅北尾吉孝過去曾出版過唔少著作，講管理經驗同經營手法等，尋日每名出席推介會嘅參加者，亦獲贈佢嘅著作，包括中文及英文版。
五歲開始習《論語》
北尾吉孝出身名牌大學，七八年喺英國劍橋大學基督學院取得文學士學位，故英文流利。佢對中國亦有認識喎，話說佢自細受儒家文化薰陶，五歲起即開始學習《論語》，一直都好推崇中國古代先哲嘅教誨。
尋日金利豐老闆朱太及朱生，亦有出席推介會。原來金利豐係思佰益今次上市嘅聯席經辦人之一。金利豐同思佰益都係做金融，唔知兩家公司未來會唔會有合作呢？