市場徐想：買基金留意匯兌風險
真實個案。投資者啱啱贖番1隻歐洲基金，成功收到一筆歐元現金。之後，佢打算用呢筆資金投資喺1隻用美元結算嘅中國基金度，但佢冇即刻將手頭上嘅歐元兌換成美元，而選擇直接用歐元認購呢隻中國基金。幾日之後，美元匯價急升，該名投資者就因為手頭上金額唔夠，要補錢去買原來嘅基金。
若投資者手頭上有嘅貨幣並唔係投資基金嘅結算貨幣，就要承受一定嘅匯率風險。以上述個案為例，假設投資者原本持有8,000歐元，以當時1歐元兌1.3美元嘅匯價計算，金額應相當於10,400美元。可惜，投資者冇選擇即時將歐元兌換成美元，又遇到美元急升，所以搞到要補番兌換差額。
投資者喺計劃投資外幣結算嘅基金時，最好先將手頭上嘅資金兌換成結算貨幣，以減少相關嘅匯率風險及買賣基金之間嘅時間差。