蓋茨股神去印度勸捐
「股神」巴菲特和美國首富蓋茨去年九月到中國游說億萬富豪捐出一半財富支持慈善，雖然中國富豪鮮有回應，但股神無放棄，未來一周會同老友蓋茨到印度募捐，希望游說當地富豪捐出一半財富。
根據股神募捐慣例，佢通常會喺《福布斯》富豪榜搵游說對象。
睇富豪榜搵對象
睇番福布斯全球億萬富豪榜頭十名，有兩位印度富豪排喺第6同第9位，前者係現居於倫敦嘅鋼鐵大亨米塔爾，後者則係Reliance Industries嘅老細安巴尼，呢兩位仁兄應該係股神游說嘅對象之一。
印度今年經濟增長斷估高達8.6%，潛力絕不遜色於中國 ，億萬富豪數目有55位之多，數目僅少於美國同中國，平均每位家產45億美元，相信股神要出多啲力游說。