太子手記：滙豐女將 教學生突圍
太子成日都覺得依家啲女性真係好叻，又返工又照顧屋企，一個人撐起半邊天。唔知係咪因為咁樣，滙豐特登趁住國際婦女節100周年，同教育局搞咗個職業講座，由班滙豐女高層同300位中學生分享，唔知係咪打算向呢班九十後教授點樣成為女強人呢？
奮戰職場發揮所長
太子八到今次聽聞出動四個不同部門女高層，有可持續發展總監區佩兒、IT主管林少梅、環球銀行及資本市場部高級經理梁佩徽，仲有財務管理部高級財務經理劉詠彤。至於分享咩題目呢，公關姐姐話4位女高層會傳授喺呢個男性主導的工作戰場，點樣發揮所長。
可能依家女多男少關係啦，班同學仔都好擔心第時點樣突圍而出，不停咁問選擇職業的考慮呀、爭取機會、解決工作問題等，最搞笑係問佢哋點解可以留喺滙豐咁耐。唔知係咪年代唔同呢，依家好多人轉工多過做嘢嘅時間，希望今次班九十後聽完，可以學吓點樣發展自己嘅事業，唔好隨隨便便浪費機會。
滙豐與教育局搞職業講座，向一眾中學生分享經驗。