太子手記：人幣匯價受寡佬拖累?
太子同好多人儲人民幣一樣，目的為咗抗通脹。不過，美國哥倫比亞大學經濟學教授魏尚進就話，如果中國開放匯率市場，人民幣實際嘅升幅唔會咁大。最令太子驚訝係，佢嘅理由竟然係因為中國寡佬太多，要搏命儲錢娶老婆，所以唔多消費。
男人為娶妻唔肯消費
魏尚進引用英國醫學期刊British Medical Journal研究話，中國嘅男女性別已經嚴重失衡，排名全球第一位，估計○五年二十歲以下嘅男人比女人多出成3,200萬人。
佢仲話，如果唔係中國嘅男人搏命賺錢為咗娶老婆，削弱咗消費，中國嘅物價升幅可能高達40%，而唔係二月時嘅4.9%。