滙豐中小企中心落重本
平時見人開舖都係舞吓獅、打吓鼓，滙豐尋日就喺葵涌開中小企中心，滙豐工商業務主管陳樑才（Albert）爆料，話呢間係滙豐第18間中小企中心，今年仲會開多6間，擴充依家6間，今年仲會落重本，攞7,500萬元去搞大佢負責嗰個部門。
個中心嘅Lobby仲用晒LCD做柱身，連天花板都整埋，今次真係揼重本。
佢哋搵咗十幾人嚟舞龍，場面勁熱鬧，最估唔到係，由香港區總裁馬凱博請班主禮嘉賓上台一人拎一支棍，用LCD屏幕做銅鑼，等佢哋一齊敲響。最重要係配合埋舞龍，周圍嘅LCD屏幕有好多龍飛嚟飛去，呢種震撼真係無得頂。